Æ, hvað ég...

...hefði viljað vera fluga á vegg þegar þessir tveir ræddust við í Vatíkaninu í Róm; um fóstureyðingar, kynvillu og heilagt stríð annars þeirra gegn hryðjuverkum. Sá maður sem flestir jarðarbúa telja sig stafa mest ógn af, að leita ráða hjá æðsta yfirmanni kaþólsku kirkjunnar... Ansi mikill miðaldabragur á þessu. Óttist.

Hafi ég verið með bilharzia orminn, er ég ekki með hann lengur. Tók ormalyfin mín samviskusamlega fyrir nokkrum dögum, fimm hvítar töflur, á stærð við steinvölur.

Enginn gefur sér gáfurnar hugsaði ég, þegar það tók mig 60 mínútur að setja saman einfalda fatagrind á hjólum frá IKEA. Þetta skrifast á tækniteiknarann sem teiknaði helvítis bæklinginn, ekki mig. Ég var með smíðabeltið og allt, og ekki vantar mig verkvitið.

Sá kann ekki að bæta brók annars, sem er berlæraður sjálfur.

Ellefu dagar í Ítalíu. Úr danskri sól í sikileyska :)

Síðar.

Sumar, sumar, sumar og sól :)

Ég er að bráðna. Tuttugu og sex gráður í dag, spáir hlýrra á morgun...

Svo langar mig að gleðja ykkur með því að ég fékk líka launahækkun, eins og Seðlabankastjóri. Var tilkynnt í dag, að ég færi úr 1,4 í 1,6 milljónir. Ég er sáttur bara. Þetta mun veita mér fjárhagslegt öryggi, eða sagði Bjarni Ármanns það ekki um daginn?

Er eðlilegt að líða eins og hesti með spatt, alla morgna? Ég er ekki sá mýksti í ökklunum í morgunsárið nú orðið... Þá kann einhver að spyrja hvað spatt er...