hedinnha@hotmail.com +45 29 36 77 08

laugardagur, apríl 16, 2005

Fór til útlanda...

...í gær. Fór til Malmö með Kára bróður og Kristínu kærustu. Alltof langt síðan maður hefur brugðið sér af bæ. Sleiktum sólina og rápuðum um miðbæinn, átum eins og svín og drukkum bjór. Almenn ánægja með Malmö. Og brúna yfir. Borðuðum á SticksnSushi í gærkvöld og í dag er stefnan sett á Tivoli og Dýragarðinn.

Ég geng hratt og drekk bjór hratt. Kristín og Kári kvörtuðu yfir því að ég væri alltaf að reyna að stinga þau af. Svo gerðist það oft í gær, reyndar ekki í fyrsta skipti, að ég skvetti bjór framan í mig. Það er óumflýjanlegt þegar bjórglös eru há (alltof há) og hreyfingin þegar drukkið er úr þeim er hröð, þá slettist vökvinn ítrekað í andlit neytandans, sem er búinn að gleyma glæfraspilinu tuttugu sekúndum seinna þegar næsti sopi er tekinn.

Laugardagskvöld með GMB tekið upp á Laundromat í vikunni... Gaman að hitta Gísla, Erlu, Egil, Finn og Jón Pál.

Og Carlsberg hefur beðið kaupendur og trygga neytendur í gegnum áratugina, afsökunar, í sjónvarpi og heilsíðuauglýsingum í dagblöðum. Glerflaskan sem tekin var af markaði fyrir nokkrum mánuðum og plastflaskan átti að leysa af hólmi, er komin aftur. - Sala hafði dregist saman um meira en helming þannig að Carlsberg sá sér ekki annað fært. Ég er mjög sáttur við plastflöskuna, annað en danskir vanafastir neytendur.

Mette er komin frá Íslandi. Gott að fá hana aftur.

Bloggandleysi.

|