Ég þakka kærlega hrósið í minn garð, fyrir skemmtilegt og ítarlegt djammblogg seinustu helgar. Ég hafði bara ekki meiri tíma á sunnudaginn en þetta. Það er eins og gengur. Er að leka niður úr þreytur en er að klára vakt upp á Rúv. Snemma að sofa í kvöld, þarf að safna kröftum fyrir helgina. En djammið var mest lítið þessa helgi. Það verður álíka lítið um næstu helgi, sem fer alveg að skella á. Þar er ég á Ölstofunni bæði kvöldin. Mín djammhelgi verður 5. og 6. desember.
Ég vil benda á að Pannan er á fleygiferð þessa dagana. Það kann jafnvel að vera að hún hafi skipt um eiganda í dag, þetta er bara eins og á fjármálamarkaðnum, sviptingar eru svo miklar. Svanhildur Hólm Valsdóttir verður gestafyrirlesari á Pönnu næsta sunnudag sem verður held ég heima hjá Gulla að morgni til. Umræðuefni er frjálst og ég efast ekki um hæfni Læðunnar til að skemmta okkur strákunum og jafnvel fá okkur til að hugsa hlutina upp á nýtt. Svo er Pannan á leiðinni austur fyrir fjall í janúar, eina nótt gistum við heima hjá Gulla og eina heima hjá mér á Hvolsvelli. Mamma verður með stutta Pönnutölu þar og það verður spennandi.
Ég lofaði Siggu systur um daginn að vera minni Skröggur en síðustu jól en hún er ekki nógu ánægð með hvað ég er lítið jólabarn. Þessi jól mun ég reyna að bæta úr því.
Síðar.
