Nei, elsku Baldvin...

...Það hryggir mig meira en orð fá lýst að segja þér að ég skulda þér ekki sms.

Allt öfugsnúið þessa dagana. Elliheimilisfílingurinn úr sögunni þar sem það er búið að flytja mig upp á sjöundu hæð, það er ekki fyrir nein karlæg hró að klifra þangað upp. Sögulegt símtal frá Guðlaugi Kristmundssyni, stöddum í San Fran. Heimabankinn segir mér að ég eigi ekki kreditkort. Finnst það fínt. Frí frá ritgerð í dag vegna veðurs, sólar og hita. Og úr því ég er ekki að skrifa ritgerð, er ég að lesa Cause Celeb og To kill a Mockingbird. Arabar (andsetnir terroristar) geta ekki lengur flogið um Evrópu fyrir hysterískum, fordómafullum Evrópubúum. Finnst það fyndið og skelfilegt. Og kýr í Chester baula á annan hátt en kýr í Oxfordskíri. Ruglingslegt blogg? Þannig er það nú bara... Sumar og sól. Jódís og Sigga systir.

Velkominn heim...

...sagði Bonnie hin bandaríska þegar ég kom til Manchester á föstudaginn eftir 6 vikna fjarveru. Með 18 kg í farteskinu, þar af 8 kg bækur. Er fluttur inn á Stúdentagarðana þar sem ég bý næstu 3 vikurnar. Ég tek rúllustiga heim til mín, það hef ég aldrei gert áður. Annars virka garðarnir dálítið eins og elliheimili, stórhýsi byggð í hring. Hvarflaði að mér að fá mér labbitúr á náttbuxunum á miðnætti í gær, innan þessa hrings, svona eins og amma Lotta gerir á elliheimilinu sínu. Hér er annars allt sem ég þarfnast á 200 fermetrum, Nero kaffihús, rækt, þvottahús, 2 súpermarkaðir, Blockbuster... Er búinn að fjárfesta í regnhlíf svona til að gefa ykkur hugmynd um hverng viðrar. Íslenska sólbrúnkan er sumsé á undanhaldi.

Nú þarf ég BARA að koma mér í lærdómsgírinn. Nú hefst nokkurs konar ritgerðarmaraþon. Búinn að taka til á skrifborðinu, oft. Búinn að demba vatni á tölvuna mína. Búinn að gera flest annað en að setjast niður og einbeita mér að því sem ég ætti að vera að gera.

Ef ég kem ekki heim um miðjan næsta mánuð, þá hef ég verið handtekinn á breskum flugvelli með stóra innrammaða, smekklausa og upplýsta mynd sem hægt er að stinga í samband, af múslimum í Mekka, undir arminum. Mun eiga í mesta basli með að koma henni heim, á þessum tímum hysteríu og svokallaðrar hryðjuverkaógnar. Ég held Al Kaída sé ekki til.