Dagur að kveldi kominn. Partý hjá Gulla og Bjarna í kvöld, nýja sambýlisparinu. Mamma og Kári í bænum og gista á Hverfisgötunni í nótt. Fínn dagur í vinnunni í dag. Hugurinn samt pínu úti ennþá. Maður er enn að melta ráðstefnuna á Spáni. Ragnar klaufastrumpur fer út í Austurlandareisuna á morgun og ég get ekki annað en dáðst að hugrekkinu í drengnum. Sá á eftir að hafa það gott á einhverri afskekktri strönd með sinn prívatkofa til að skrifa, hugsa og slaka á. Á meðan þá öslum við hin snjóinn hér heima í vetur. Kannski maður ætti að fara á eitthvað námskeið hjá Mími úr því maður er ekki á leiðinni í skóla þetta haustið, það er alveg nýtt. Guðbergur Bergsson er með námskeið um Don Kíkóti, væri það ekki gaman? Andlaus. Sumt af því sem á daga okkar dreif á Spáni er heldur ekki birtingarhæft... Andleysi á lyklaborðinu eftir að hafa unnið að fréttum um Lansann og Amnesty... Góðar stundir.

Jæja, þá er dögum víns og rósa lokið. Mikið gríðarlega er búið að vera gaman og það sem ég er búinn að hafa það gott. Var að klára vakt uppi í útvarpi, já, það vantaði fólk á aukavaktir. Á eftir hleyp ég niður á Ölstofu og vinn mína fyrstu vakt þar á barnum, með honum Ragnari. Ég þarf að koma á blað, nú eða lyklaborð, allri ferðasögunni. Það var stórkostlega gaman og Gulli er ævintýralegasti og skemmtilegasti ferðafélagi sem hægt er að hugsa sér... Danmörk var ekki síðri. Gisti hjá Kidda og kompaní á Skydebanegaden rétt við Hovedbanegaarden. Þau eru í frábærri íbúð, fórum á thai stað fyrra kvöldið og svo var ég í mat hjá Ása og Paw með Gulla og Hirti seinna kvöldið. Ég hefði bara viljað stoppa lengur í Köben, var ekkert tilbúinn að fara heim á klakann. Verð að rjúka, góðar stundir.