Sambönd eru...
...eins og rússíbani, stundum upp og stundum niður. Svo æla sumir og gefast upp. Þetta sagði við mig mætur maður. Þetta hljómar ágætlega, veit mest lítið um það hvort þetta er satt. Héðinn var að koma af Ölstofunni. Þar var fullt af góðu fólki, Vigdís, Þórir, Gulli, Matta, Hlédís, Ragnar, André, Una og fleiri og fleiri og fleiri. Borðuðum fyrr í kvöld á Horninu; alveg ljómandi fínt.
Sautjándi júní liðinn og innrás úthverfafólksins lokið. Í dag var ekki þverfótað í miðbæ Reykjavíkur fyrir dreifbýlingum úr Mururima, Seljalandi, Þverbakka og þar fram eftir götunum. Þetta fólk kemur ekki aftur í bæinn fyrr en á Þorláksmessu og er það vel.
Í gærkvöld brunuðum við í Hvalfjörðinn, Matta, Arndís, Hlédís, Gulli og Héðinn. Fórum í Hvammsvík í þennan fína pott í flæðarmálinu og grilluðum svo pylsur, drukkum rauðvín og átum grillaða banana. Óskaplega ljúft.
Er annars að hugsa og kem hugsununum ekki á blað. Held líka að þær eigi ekkert erindi hingað. Þetta er líka svona sumarnótt þegar maður á ekki að fara að sofa. Við Damien Rice erum á því.
