hedinnha@hotmail.com +45 29 36 77 08

föstudagur, ágúst 06, 2004

Gleymi einu...

Hvað er ég að fara að gera í Kaupmannahöfn eftir þrjár vikur, annað en að drekka bjór og segja det var dejligt? Allar ráðleggingar vel þegnar...
Rigningardagur í Reykjavík, kannski maður hræri í súkkulaðiköku Fríðu?
Í hýru halarófunni á morgun má meðal annars sjá tvíkynhneigða á þríhjólum, ekki bara lessur á hjólum... Hlátur.
Síðar.

|

Lífið eftir vinnu..

...Eftir vaktir í gærkvöld og kvöld hef ég ratað á Ölstofuna. Og jú, saknað Ragnars og Andrés í bæði skiptin. En. Kvöldinu í kvöld eyddi ég meðal annars með stelpu sem sagði mér að útferðin sem safnast fyrir á kynfærum kvenna (alltaf lærir maður eitthvað nýtt) kallast barmesan, sbr. parmesan. Prýðilegt nýyrði. Og talandi um orð, veit einhver hvað jarki og smegma eru?
Í hópnum í gærkvöld var hins vegar vinkona sem sagði farir sínar ekki sléttar. Það næsta sem hún hafði komist kynlífi seinustu vikurnar var það að maka á sig gömlu sæði, blönduðu kísil, í Bláa lóninu. En nóg af dónatali...
Er kominn í vikufrí frá vinnu, stefnir í góða helgi og svo austur á Höfn á mánudag vegna göngu í Lónsöræfi daginn eftir. Planið fyrir morgundaginn er meðal annars rækt, klára Da Vinci kóðann og versla útivistargræjur svo maður sé fær í flestan sjó fyrir austan.
Afmælisbarn gærdagsins, 5. ágúst, er Steindór ofurklippari á Fréttastofunni. Síðar.

|

þriðjudagur, ágúst 03, 2004

Eru allir í þannig vinnu að suma daga er allt hrein snilld og allt gengur upp en aðra eru þeir misheppnuðustu starfskraftar norðan Alpafjalla? Og getiði nú hvaða dag ég átti í dag... Rétt hjá ykkur. Bara svona vangavelta.

Fólk virðist annars vera að velta fyrir sér ólíkum hlutum á bloggum hér og þar; hári, vinum, kynþokka, eftirsjá og þar fram eftir götunum.
Svo er að koma haust.

|

Dragnót, Damien, druslur og góður dagur...

Damien Rice tónleikaupptaka og Da Vinci lykillinn á dimmu ágústkvöldi og HH þrjóskast við að fara að sofa. Var að velta því fyrir mér hvað fær fólk til að kommenta. Fæ ég líflegust viðbrögð ef ég kem með miskunnarlausan svartan húmor og kaldhæðinn eins og er raunin hérna fyrir neðan? Kommenta fleiri ef ég geng fram af fólki eða kommentar þú ef ég gerist persónulegi bloggarinn?
Var minntur á það í gærnótt að Reykjavík er smábær í Síberíu og á stærð við eins lítra fiskabúr... Holl áminning og gaman að vera á útleið. Er svo líka í djúpum pælingum um það hverjir eru vinir manns og hverjir ekki... Og talandi um fiskabúr; átti svo góðar samræður við Ragnar Afríkubúa á msn í gær. Þær voru reyndar allar í yfirfærðri merkingu og snerustu um fiskveiðar, botnvörpur, botnfiska, troll, frystitogara, net og svona. Merkilegt hvað hægt er að gera sig skiljanlegan talandi um fisk!
Skrallið í gær var skemmtilegt. Hitti meðal annars Lovísu og Óskar flugþjón. Hann sagðist sjá á mér að ég væri kynvilltur. Á móti langaði mig að segja honum frá grun mínum um alla þá sem gegna starfi flugþjóns en þar sem ég er prúður piltur lét ég það ógert. Mér finnst Óskar líka ágætur.
Var að taka viðtal við lögregluvarðstjóra í vinnunni í dag þegar við lentum í þessu brjálaða útkalli. Sírenur og læti.
Ætlum í upphitunargöngu nokkur af Fréttaastofunni eitthvert kvöldið inn í Reykjadal, í heita lækinn. Styttist í Lónsöræfaferð Fréttastofunnar. Gaman.
Hvað fleira, jú pissaði með stelpu sem heitir Hilda í gær. Og drakk fimm áfengiseiningar, sem ollu þynnku í morgun. Sem aftur leiddu af sér inntöku tveggja panodil-taflna. Síðar, nótt.

|