hedinnha@hotmail.com +45 29 36 77 08

föstudagur, júlí 02, 2004

Bonnie Tyler og harðsperrur...

...Og Stevie Wonder. Sigga systir flogin út. Sá Godsend með Gísla í gær, öl á Sólon þar á eftir. En myndin gengur sem sagt út á að gera manni bilt við.
Ákváðum að fara ekki á Ölstofuna þar sem ég hef verið þar einhver þrjú, fjögur kvöld í röð. Ölstofan er að verða fyrir mér eins og Central Perk. Kvöddum André þar í fyrrakvöld. Hann er farinn til S-Afríku blessaður og Ragnar eltir svo ektamakann eftir nokkra daga.
Færslan er helguð Bonnie Tyler þar sem I need a hero hefur hljómað í hausnum á mér seinasta sólarhringinn. Það er hægt að hafa mörg verri lög á heilanum, t.d. Ég á hundinn Húgó, með Hallbirni. Ekki það að Hallbjörn sé slæmur tónlistarmaður...
Garðpartý hjá Lovísu í kvöld.
Andleysi virðist ríkja á sumarbloggum landsmanna.

|

þriðjudagur, júní 29, 2004

Ég er ofsóttur...

...af leikskólabörnum. Í tvo daga hef ég tekið fimmuna eftir rækt frá Laugunum kl.12.07. Ég ráðlegg fólki eindregið að forðast þá leið og taka þá frekar annan almenningsvagn eða fara milli borgarhluta síðar að deginum. Í gær hlupu þrjátíu leikskólabörn mig niður þar sem ég stóð með græna kortið og vagnstjórinn opnaði dyrnar. Öll komumst við inn fyrir rest, líka fóstran og fóstrinn. En nei, sagan er ekki búin. Haldiði ekki að fóstran biðji börnin um að syngja!? Við rákum féð í réttirnar, í fyrsta og annan flokk, kílóið af súpukjöti hækkaði í dag... Mér var öllum lokið, gekk ill að einbeita mér að Mogganum og hádegisfréttum Útvarps. Komst við illan leik upp í vinnu.
Sama sagan endurtók sig í dag og mér leið svona eins og í déja-vu. Heitir það ekki annars endurlit á íslensku? Og talandi um slíkt, það kveikja nú varla allir á þessu en þó veit einhver hvað ég er að tala um... Helvítis sjónvarpið í helvítis gleraugnabúðinni þar sem auglýsingin með gagnkynhneigða parinu að kyssast; er farið! Gluggaútstillingu augnlæknisins hefur verið breytt. Sem þýðir að nú þarf ég ekki lengur að berja augum þetta blessaða par, með gleraugu, nota bene, þegar ég labba heim af skralli, upp Laugaveginn. Spólan er nefnilega búin að vera í tækinu hjá þeim í nokkra mánuði og þar hefur parið rúllað í sleik, mér síður en svo til ánægju og yndisauka. Ég hefði aldrei keypt gleraugu út á þessa auglýsingu. Á hinn bóginn er fyndið hvað maður er vanafastur, einhverra hluta vegna gekk ég alltaf utan í gleraugnabúðinni og leit alltaf upp á nákvæmlega sama augnabliki og sá nákvæmlega sama par, kyssast og kyssast og nudda saman nefjum og gleraugum. En því tímabili er lokið í lífi mínu.
Litum við á Ölstofunni í gærkvöld eftir útvarpsvakt. Vigdís, Thelma, Þórir, Lena, Svana, Fríða, Ragnar, André á barnum, Fabio og fleiri... Tók glæsilega mynd af Lenu og Vigdísi sem má sjá á myndabloggstenglinum hér til hægri. Nýir tenglar neðst lengst til hægri...
Sigga systir fer út eftir nokkrar stundir...stelpuskjátan. Síðar.

|

sunnudagur, júní 27, 2004

Þá er sumarið...

...hálfnað, sólstöður búnar og aftur byrjað að dimma. Alltof stutt sumur eins og vanalega. Fór að sofa klukkan sjö í morgun eftir skrall, sem byrjaði hægt en endaði vel; gríðarlega gaman. Það var að sjálfsögðu komin sól þegar maður tætti í beddann og þá er alltaf svo erfitt að fara að sofa. Vigdís, Héðinn, Þórir og Lena hófu kvöldið hjá Bjarna og Daða á Flókagötunni, prúðir piltar og gestir í hálfsjoppulegri íbúð, verð ég að segja. Framhaldið: Ásdís, Matta, Helga, Fabio, Kamilla, Brynja, Þórhildur, Jón Gunnar, Steindór, Orri Páll, Gísli, Gísli Darri, Jóhann og fleiri og fleiri. Hverjum er ég að gleyma? Ölstofan, Kaffibarinn, Ellefan, Hressó og svo framvegis.
Á föstudagskvöldið var ég boðinn í mat til Baldurs og Felixar. Gaman. Gústi, Pétur, Ásgeir, Jón Þór, Gummi og gestgjafarnir. Gott kompaní og matur. Gott ef þetta er ekki mín skemmtilegasta færsla frá því ég byrjaði að blogga... úff. Maður getur víst ekki alltaf skrifað prósa.
Annað í fréttum, Gulli í Köben, Héðinn og Þórir aftur farnir að talast við eftir vikuhlé.
Plön fyrir haustið eru breytt, enginn skóli í Danmörku. Allt opið og óljóst með haustið sem sagt. Spennandi tímar fram undan og Héðinn til alls vís því hann er jú svo flippaður og lifir á ystu nöf. Síðar.

|