Lúcý-arnar í lífi mínu...

a) Lucy í Dallas
b) Lucy Ball
c) Lúsý Alberts Guðmundssonar
d) Lucy núverandi bekkjarsystir mín og sms-félagi

Stórmerkilegt hvernig sagan endurtekur sig, finnst ykkur ekki?

Skrýtið...

a) Hvað ef Bush er í alvörunni brjálaður?
b) Af hverju er ég með ritstíflu?
c) Skrýtið að láta einhvern sem maður er ekki búinn að sofa hjá, klippa á sér hárið. Nýtt fyrir mér.
d) Held ég sé með óráði.
e) Hafa Vesturlönd ekki gengið aðeins of langt, í að verja tjáningarfrelsið, í danska skopmyndamálinu?
f) Gregoire hefur farið mikið fram í ensku, ólíkt mér.
g) Það er föstudagsmorgun og ég lykta af hvítlauk.
h) Litlar frænkur mínar eru að milda mig, eða er það aldurinn?
i) Árið 2005 var ár krabbans eða körtunnar, hjá sumum. Hjá mér... Ár vörtunnar.
j) Hafa Færeyingar ekki meiri ástæðu til að gera grín að Íslendingum, en við að þeim?
k) Piers Robinson, höfundur bókarinnar The CNN Effect, er skemmtilegur kennari.
l) Skrýtið að auður um 400 ríkustu manna heims, skuli vera jafnmikill og ársinnkoma nærri helmings mannkyns.
m) Er febrúar mánuður tilvistarkreppa?
n) Eftir hvað marga espresso, fer kaffi að hafa skaðleg áhrif?
o) Fór með stóran poka af klinki í banka, banka sem á ekki talningarvél. ,,Þú verður bara að telja þetta sjálfur, ég get ekki tekið við þessu svona!! ...sagði breski gjaldkerinn með stóra, stífa hárið, og brosti svo skein í augntönn.
p) Fjöldi þeirra bóka sem ég ætla að lesa, einhvern tímann, er orðinn ískyggilegur.