Heimurinn er að farast...
...vegna loftslagshlýnunar og átaka ólíkra menningar- og trúarheima. Hver eru viðbrögð forseta útkjálkans, á mörkum hins byggilega heims? Jú, skyr. Skyrið mun sigra heiminn. Það er aðeins spurning um tíma. Mér er svo mikið rórra.
Afmælisbarn dagsins er pabbi minn. Til hamingju, gamli...
Lífsklukkan min er öfug. (Það er ekki bara eitt heldur allt). Frá því ég kom frá Sri Lanka hef ég vaknað kl.6.00 á hverjum einasta morgni. Bregst ekki að kl. 6.02 er ég kominn niður í eldhús að hita kaffi. Gæðastundir. Er lífsins ómögulegt að eiga lengri nætursvefn en sex tíma. Þessu fer þó að ljúka...
Gleymdi alveg að hneykslast og bölsótast yfir helvítis andarnefjunni í Thames-fljóti um daginn, sem 23 milljónir manna eru sagðar hafa fylgst með. Meira að segja BBC sendi út beint. Geta fjölmiðlar ekki beint kastljósinu að einhverju öðru? Eða er það meðvitað val okkar firrtu og feitu Vesturlandabúa, að vilja frekar fylgjast með dauðastríði hvals, en að fá fréttir frá Palestínu eða uppbyggingu í Banda Aceh, sem allir eru fyrir löngu orðnir hundleiðir á?
Hef annars orðið var við vaxandi áhuga fólks á að læra brjóstaleikinn... Ég bið fólk lengstra orða um að sýna stillingu og leika hann ekki fyrr en ég kem heim í sumar.
Hvernig fór ég annars að, áður en ég eignaðist i-bookinn minn?