Á fjórða frídegi...
Lag dagsins er Æ dónt fíl læk densing með Scissor Sisters. Ómögulegt að dilla sér ekki. Er ekki klár á hver er maður dagsins. Það er alla veganna ekki Jón Magnússon hæstaréttarlögmaður, sem sumir vilja láta berja á, hætti hann sér vestur á firði. Kíkið endilega á blogg Sigmars um gulrótarrasista.
Orð dagsins er klúka - hnakkpúta, hrúga, lítill heybólstur, hnakkur. Rakst á það í annars stórgóðri bók Sigmundar Ernis, Barn að eilífu.
Varð mér úti um Pétur og úlfinn með Bessa Bjarnasyni. Hvílík nostalgía. Þetta hlustaði ég á sem barn á vínyl, og skalf á beinunum. Hughrifin eru næstum eins sterk í dag, tuttugu árum seinna, nema hvað núna þarf ekki að halda í höndina á mér þegar ég hlusta. Gæsahúðin samt enn til staðar.
Held annars að bloggið sé dálítið að deyja, alla veganna að taka miklum breytingum. My Space er víst mál málanna.
Síðar.