Á engin páskaegg um páskana, jú, fékk bita hjá Þóri. Svo fór 1. apríl eiginlega fram hjá mér. Nema hvað ég las á bloggi vinar míns að þátturinn Nýjasta tækni og vísindi væri að hætta. Það fékk mikið á mig en ekki eins mikið á Jóhann, Þóri og Fríðu. Þeim fannst bara fyndið hvað mér var brugðið. Þetta er sem sagt elsti þáttur Sjónvarpsins sem enn er í gangi. Ég hef ekki enn fengið staðfest hvort Steindór var að ljúga á blogginu sínu eða ekki. Lifi sem sagt enn við nagandi ótta um það hvort Richterinn muni birtast mér aftur á skjánum eða ekki. Ekki það að ég horfi á þáttinn.
Ljúft að hlusta á Damien í vinnunni.
Kíkti í heimsókn til Ragnars í gærkvöld og fór þaðan á Ölstofuna þar sem ég hitti Björn Malmquist, Loga, Svanhildi, Gurrý og fleiri... Það lá við að ég drykki bara te, er að komast yfir áfengiseitrunina frá Lundúnum.
Hvað á maður að gera af sér um helgina?

Heimkomuþunglyndið frá. Fjöldi fólks hefur sýnt stuðning. Halldóra Geirharðs er nýtt andlit Íslandsbanka í frábærum auglýsingum. Í því sambandi vil ég benda á að ég var eitt sinn nef Íslandsbanka í ekki alveg jafnfrábærum auglýsingum, ef ykkur skyldi ekki vera það í fersku minni.
Var veikur heima í gær, ekki situr maður aðgerðarlaus; moppaði, þvoði þvott og leirtau, bakaði eina hjónabandssælu, horfði á tvær myndbandsspólur, buðum Þóri í lasagna og fengum Þórunni í heimsókn í gærkvöld. Gerði tilraun til að kaupa handa henni sígarettur í Fríhöfninni. Það kann ekki góðri lukku að stýra þegar litblindur maður á að gera slíkt. Keypti grænan Marlboro í stað gyllts. Er í vinnu uppi í Útvarpi í vorblíðunni. Síðar.
Ah, einu gleymdi ég. Hæ, Elín, þú sem ert að lesa...

Tremmi eftir fimm daga langan fyllerístúr á breskri grundu. Skelf og titra. Það hlutu að verða einhver eftirköst eftir alla þessa gríðarlegu skemmtan. Langar út aftur. Við Þórir komum heim í gærkvöld með fullri vél af þéttholda Íslendingum með vesen. Matta náði í okkur, hún hafði saknað þess svo að heyra engan klæmast við sig. Hún kom ekki að tómum kofanum hjá okkur. Er ekki til eitthvað sem heitir heimkomuþunglyndi, sbr. fæðingarþunglyndi?
Skrifa síðar við betra tækifæri. Hef ekki tíma og þarf svo líka að ákveða hversu ströng ritskoðunin verður. Það var svooooooo gaman í Lundúnum...
Best að rjúka. Íslenskur hversdagsleiki tekinn við að nýju...