Þá fer þessari vakt að ljúka. Frí á morgun. Fyrir utan að lesa BBC-vefinn fram og til baka þá er ég að lesa Dagbækur háskólastúdenta, mjög svo forvitnileg bók. Fólk er jú að eðlisfari svo hnýsið um náungann. Einkennilegt hvað margir sváfu yfir sig þennan eina dag sem háskólastúdentar áttu að skila inn dagbókarfærslu. Svo var ég svo skotinn í einu kærustuparinu sem sagði frá því í sinni dagbók að þau hefðu háttað upp í rúm til að lesa saman Bláa hnöttinn. En fallegt. Dátarnir sem eru í höfn hafa gjörsamlega farið fram hjá mér og það er auðvitað ekki nógu gott. Í dag var ísveisla í vinnunni, ógurlega gaman...

Jæja, er að klára seinni erlendu vaktina. Ég er þurrausni bloggarinn. Toppurinn á helginni var á Hvolsvelli. Kári og Kristín komu frá Krít í gær, færandi hendi, með Hugo Boss rakspíra handa mér, feta-ost, ólífur og gríska matreiðslubók. Góða nótt.