Matarboð hjá Titti og Heiðu í gærkvöld, þangað fórum við Matta. Útvarpsvakt í dag og Kastljós, Ölstofuvakt á eftir og fram á morgun. Gaman að þessu. Hvolsvöllur var fínn. Komst ekki með Þóri í dag að kaupa títtnefndan jakka. Kaldbakur, Landsbankinn og Fiskistofa voru meðal viðfangsefna dagsins. Kastljósið var fínt debatt, Bjarni Harðarson beittur og skemmtilegur.
Það er víst aftur kominn vetur og ég sem hélt það færi að vora. Síðar, engin sápa og ekkert orð dagsins, vegna anna.

Deborah vaknaði milli bleikra satínsængurfata og geislar sólarinnar léku við hörund hennar. Þá kom hún til sjálfrar sín og mundi allt sem hafði gerst. Spurningar sóttu á hana. Hafði Tess bjargað fósturvísunum? Myndu Kerry-hjónin ættleiða barnið frá Guatemala? Kæmi stofa Lucyar til með að ganga? Var Steve staðráðinn í því að gerast kynhverfur og þar með snúa baki við öllu því sem hún hafði átt með honum? Bank, bank. Vikapilturinn. Hann opnaði hurðina varlega og hugðist draga frá gluggatjöldunum. það skyldi aldrei verða. Deborah sá hann strax fyrir sér í rúminu með Steve. Helvítis. Hún trylltist, þreif viskíglasið sem brotnaði í þúsund mola á hurðinni.
Frá því ég kom á Hvolsvöll fyrir innan við sólarhring er ég búinn að éta á við kraftlyftingakappa. Er þetta bara ég eða gera allir þetta þegar þeir fara til mömmu og pabba? Hér á Hvolsvelli styttist í Þorrablót, þá er pabbi vanur að taka númer og dansa upp á borðum. Vel þess virði að panta miða. Síminn hjá nefndinni er 487 8097.
Kíkti á ömmu áðan og svo á lítil frændsystkin, tók ljóskusprett hjá Birnu og Pétri þar sem ég fullyrti að hliðar á teningi væru níu en ekki sex og ætlaði alls ekki að gefa mig. Sem leiddi til annarra ljóskusagna, þeirrar verstu sem er ekki einu sinni birtingarhæf hér.
Fer í fyrramálið með Pétri stóra bróður áleiðis í bæinn í bíl, merktum Kynbótastöð Suðurlands. Loksins hef ég verið uppgötvaður, hver veit nema ég hverfi til nýrra starfa á stöðinni? Hún er á Selfossi, held ég, ef einhver þarf að finna mig.
Fram undan er vinna.
Áður en færslunni lýkur... Af hverju virðast sumir strákar í Pönnunni um þessar mundir, svona flæktir í hugaróra um stráka sem e.t.v. gætu verið kynvilltir; skápa, mismunandi efnilega? Kann einhver svar við því? Er það meira spennandi af því það má ekki eða er litla fiskabúrið Ísland farið að þrengja að?

Og að öðru... Af hverju eiga hommar í sambandi svona erfitt með að vera trúir og af hverju þarf alltaf þriðji aðili að vera uppi í rúmi hjá þeim? Pæling, hugvekja sem í guðanna bænum ekki taka illa... Eru hommar druslur, með sterkari kynhvöt en gengur og gerist eða vantar fyrirmyndir að hommapörum í samfélaginu? Einhver?

Kortið hér að neðan sýnir ferðir Hárliða um heiminn, löndin eru níu sem mér skilst að séu aðeins fjögur prósent allra landa heimsins. Mikið verk fyrir höndum sem sagt. Rússland og Ítalía held ég að standi upp úr.
Þeytingur þessa dagana, vaktir uppi á útvarpi hrúgast inn og það vill svo skemmtilega til að oftast eru þær eftir næturvaktir á Ölstofunni. Hversu lengi getur maður haldið áfram án svefns. Annars er þetta næturgöltr dálítið sérstakt, er aldrei farinn að sofa fyrr en klukkan fjögur á virkum morgnum og sef til ellefu, tólf. Mér finnst þetta svo þægilegur tími sólarhringsins, eldsnemma morguns, þegar enginn er á ferli og þá er ég að labba heim úr vinnu. Sérlega skemmtilegur tími á sumrin þegar sólin er komin upp. Ég er sem sagt sumarpiltur, sbr. sumarstúlka. Mynd af mér hefur hins vegar ekki enn birst í Séð og Heyrt.
Var að segja Unu vinkonu frá því að ég hefði verið að kaupa risastóran spegil og við svona göntuðumst með það hvort ekki færi vel á því að setja hann við rúmið en Unu fannst það auðvitað ekki. Henni fannst meira við hæfi að setja hann ofan við eldavélina eða bakaraofninn. Fyndið. Hlátur. Hef ekkert bakað lengi, alveg heil vika án baksturs held ég bara.
Angie Stone og Beck eiga hug og hjörtu okkar á Hverfisgötunni. Mælum með þeim.

Jastrandi fjósalykt finnst mér afskaplega góð. Það er hún sem leikur um vitin á manni á Hvolsvelli í dag ef maður bregður sér út fyrir hússins dyr.
Er í sveitasælunni frá því í morgun. Pabbi gamli á afmæli í dag. Gáfum honum Lonely Planet ferðahandbók þar sem þau gömlu eru á leið til Frakklands.



create your own visited country map
or write about it on the open travel guide

Úff, stikkorð að þessu sinni. Var að klára í Kastljósi, Ölstofan er næst. Var að ljúka umsókn um ráðstefnu í mars á vegum Gulla og FSS, um fjölmiðla og kynvillu, mjög spennandi. Og svo stendur Gulli fyrir fleiri heimsviðburðum víðs vegar um Evrópu sem gaman væri að fara á. Heimsyfirráð eða dauði.
Kaffitár með Þóri í dag. Djamm á fös og lau, gaman. Hitti Þórunni og Ægi óvænt á Ölstofunni og þá var aldeilis slegið á létta strengi. Kíkti í rauðvín til Arnars þar sem Tröllið og Læðan voru. Fór af Ölstofunni á laugardagskvöld þegar hækja kunningja míns byrjaði að reyna að sannfæra mig um ágæti hans. Mér leið eins og söluvöru og honum eflaust líka. Stelpur.
Held Sigga systir þurfi að fara að komast á. Hún bakaði þrjár sortir í fyrradag, hverja annarri betri.
Rýmisgreind já, Gulli var að biðja um blogg um það. Þetta spratt nú bara af því hversu léleg Sigga systir er að raða í uppþvottavélina heima, hún hefur svo slaka rýmisgreind. Þetta veldur því að ég neyðist til að endurraða þar sem ég er manískur og með betri rýmisgreind. Þetta er svona álíka slæmt húsmóðursyndróm eins og það að geta ekki farið út úr húsi ef það er allt á rúi og stúi, skítugt leirtau og þvottakarfan full og svona. Er að missa af strætó. Síðar. Þá kemur líka framhald sápuóperunnar sem hefur hlotið misjafna dóma.