Var hjá...

...innrammaranum mínum á Hverfisgötunni. Hann er líka litblindur. Völdum saman ramma. Gaman.
,,Þessi hér á að vera sótsvartur."
,,Er hann ekki svolítið brúnleitur?"
,,Neinei, hann er svartur, sótsvartur. Það stendur hér."
,,Fínt. Fá hann."

Getur ekki annars verið að blöð á Íslandi hafi víkkað út skilgreiningu sína á frægu fólki? Gamli hundrað manna frægi hópurinn heldur ekki lengur athygli almennings og því er búið að hleypa hundrað nýjum inn, svo slúðurblöðin hafi eitthvað að fjalla um. - Svo sem engin vöntun á listaspírum þarna úti... Það er svo fyndið að það geta allir orðið það sem þeir vilja á Íslandi. Þú ákveður bara einn daginn að verða leikari, ljóðskáld, módel eða pistlahöfundur. - Fámennið.

Vissi ekki...

... að enskuframburður Ólafs Ragnars Grímssonar væri svooona slæmur. Björk ýkir sinn framburð en hann getur bara ekkert að þessu gert.

Er kominn með nýja nágranna, Ofurhjúkkuna á Laugaveginn í Dóu íbúð, og svo Vigdísi og Thelmu á Hverfisgötuna. Veit á gott sumar...

Danir eru eina þjóðin í heimi, sem kemur með eigin bjór í partýið og fer svo með glerin heim.

Og þetta með lýsið... Nýja lýsisverksmiðjan er sú stærsta sinnar tegundar í heiminum, hefur verið fullyrt í fjölmiðlum. - Skyldi engan undra, það eru ekki margar þjóðir sem framleiða lýsi. Íslendingar eru sem sagt bestir í heimi þegar kemur að lýsisframleiðslu og stærð þess konar verksmiðja, er það ekki? Djöfuls minnimáttarkennd og molbúaháttur alla tíð...