Vill einhver vita eitthvað um Flauelisbyltinguna í Georgíu? Hef ekki getað hugsað um annað í tvo daga og eina nótt, var pínuandvaka í nótt og þá hugsar maður auðvitað um fréttir morgundagsins. Ég hafði til dæmis miklar áhyggjur af Berlusconi og Cesare Previti milli klukkan fimm og sex í nótt þegar ég lá og bylti mér.
Hitti Þóri, Fríðu, Ingu, Hauk, Davíð og Steindór á Sólon í gærkvöld. Síðar.

Tíminn flýgur þegar það er gaman og svo er líka gervihnattaöld og á henni líður tíminn jú hratt. Maður er bara í vinnu út og suður. Föstudagskvöldið seinasta var óskaplega skemmtilegt. Laugardagsmorguninn þar á eftir var alls ekki jafnskemmtilegur með tilheyrandi uppsölum. En sprungnar æðar í andliti eftir að hafa selt upp, þynnka og almenn tussulegheit eftir fyllerí er ekkert sem ekki má laga í góðu sminki hjá Auju í förðuninni. Bjórinn rann í stríðum straumum og ég tók meira að segja lagið með Líf þýðanda. Islands in the strem með Kenny og Dolly, hvað annað? Frammistaðan var annars slök enda margir bjórar innbyrtir. Leikurinn barst niður á Ölstofu og þar var líka gaman : ) Þá sjaldan þegar maður lyftir sér upp. Verð að rjúka. Góðar stundir.