Þá eru blessaðar kosningarnar frá, vorum að klára útsendingu á fréttatíma klukkan eitt. Val hennar Svanhildar brá ógurlega í morgun þegar hann kveikti á sjónvarpinu til að horfa á morgunsjónvarpið... Ílengdist reyndar hér uppi í Sjónvarpi í gær til að fá kosningasjónvarpsfílinginn beint í æð, nú auk þess sem ég lærði auðvitað smá. Við Svanhildur vorum orðin ansi sýrð undir það seinasta. Rölti heim eftir klukkan fjögur í morgun, sólarupprás og alles. Hrúgaði í mig afgangnum af kjúklingaréttnum hennar Siggu systur klukkan fimm í morgun, sem í voru fjörutíu hvítlauksgeirar. Ég lykta því eftir því í dag en það var sannarlega þess virði. Skreið upp í og hringdi þá ekki Þórir drusla bjöllunni, var að koma heim af djamminu og vildi fá sína vanalegu gistingu. Það er svo ágætt að eiga vini sem búa í miðbænum. Ég sendi hann svo upp í til Siggu systur eins og vaninn er. Ekki fer ég að láta hann sofa uppi hjá mér... Það hefði verið ágætt að vera úti að skralla, það var svo skemmtileg stemnnig niðri í bæ í gær. Skaust með Þóri og Gulla á sýninguna í Listasafninu í Tryggvagötu, hittum ljósmyndarann Oddvar og sáum svo portrettmyndirnar; börðum dýrðina augum. Óli Hjörtur, Ási og ég höldum allir á spjaldi með nafni Justins Timberlakes, unnum allir á Kaupfélaginu á sinum. Hvað á það eiginlega að þýða? Eitthvað hljótum við að eiga sameiginlegt? Myndirnar annars mjög skemmtilegar. Frikki Weiz kom seinna um daginn og keypti myndirnar af okkur þremur. Hlátur. Þær eigia líklegast eftir að prýða baðherbergið hans.

Helvíti, nú datt út óskaplega djúp pæling um lífið og tilveruna, bara rétt sisvona, hvernig fór ég að þessu? Var að tala við Þórunni vinkonu í símann og það var svo gaman hjá okkur, var bara að hætta að hlæja rétt í þessu, enn með krampa...

Jæja, þá er maður byrjaður að fikra sig áfram. Ætlaði reyndar aldrei að leggja út í þetta. Var svo viss um að ég yrði óskaplega persónulegur bloggari, svona eins og Helgi, persónulegi trúbadorinn. Svo eru bara allir að blogga í kringum mann og þá langar mann auðvitað líka. Ég er ekkert óskaplega tölvusinnaður sem mun e.t.v. skína í gegn í möguleikum á síðunni, sjáum til með það. En annars, klukkan er að ganga ellefu á föstudagskvöldi og ég er ekki að gera það sem mig langar mest að gera á þessum tíma sólarhrings á þessum vikudegi. Er uppi á Fréttastofu að læra undir undir munnleg próf næstu viku, gaman að því. Svanhildur er hér handan við hornið að grúfa sig yfir sínar bækur.

Halló, er einhver þarna?

Halló, halló, hvernig í ósköpunum virkar þetta allt saman? Flest er nú hægt á gervihnattaöld...